"Millikart" Məhdud məsuliyyətli cəmiyyət yanvarın 19-da öz fəaliyyətinin təqdimatını keçirməyi planlaşdırır.
Bazar ertəsi "Millikart"dan Trend ə verilən xəbərə görə, təqdimat daha iki hadisəyə - UniBank-ın "Azərikard" prosessinq mərkəzindən "Millikart"a tam miqrasiyası və Azərdəmiryolbank tərəfindən MasterCard beynəlxalq ödəniş sisteminin çip kartının pilot buraxılışına həsr olunacaq.
Mərkəzdə gələn ildən səhmdar bankların fəaliyyətinin "Millikart"a köçürülməsi planında fəal işlərin görüləcəyi gözlənilir. Həm üç böyük bankın olacağı ehtimal olunur. Hazırda yalnız Azərdəmiryolbank və UniBank tərəfindən kart biznesinin tam miqrasiyası baş verib. Bunun nəticəsində yeni kart mərkəzi vasitəsilə buraxılan kartların sayı 30 minə çatıb, onların 15 mini UniBank-ın payına düşür. Qalan 10-11 min kart Azərdəmiryolbank, 4 min isə - beş bank tərəfindən buraxılıb.
Azərdəmiryolbank ölkədə qalan emitentlər arasında MasterCard sisteminin çip kartını buraxacaq ilk bank olacaq və bununla bağlı hazırlıq işləri hələ də davam edir. "Azərikard" vasitəsilə xidmət göstərilən banklar MasterCard sistemində sertifikatlaşdırma prosesinə 2007-ci ilin əvvəlində başlayacaqlar.
Milli bank mərkəzin idarəyə verilməsi haqqında 18 bankla təsis müqaviləsi imzalayıb. MMC 14 iyul 2006-cı il tarixində təsis olunub. "Millikart" müstəqil qurum kimi 2 oktyabr 2006-cı il tarixindən fəaliyyətə başlayıb. Mərkəzin təsisçiləri Atabank, Azərdəmiryolbank, Azərtürkbank, Bank of Baku, CIBank, Debütbank, Əmrahbank, Xalqbank, Kredobank, Azərbaycan mikromaliyyələşdirmə bankı, Parabank, Rabitəbank, Bank Respublika, Bank Standard, Texnikabank, Turanbank, UniBank və Zaminbankdır.
