2006-cı ildə Azərbaycanın nəqliyyat vasitələri ilə 25,24 mln. ton yük daşınıb ki, bu 2005-ci ildən 121,2% çoxdur. Trend in verdiyi xəbərə görə, Dövlət Gömrük Komitəsinin məlumatında belə deyilir.
Daşınan yüklərin 14,26 mln. tonu ixracın, 10,98 mln. tonu idxalın payına düşüb. İxrac əməliyyatlarında dənizlə 8 mln. ton, dəmiryolu ilə 1,45 mln. ton, avtomobillə 529,9 min ton, hava ilə 3,7 min ton və boru kəməri ilə nəql olunma 4,19 mln. ton təşkil edib. İdxal əməliyyatlarından dəniz nəqliyyatının payına 286,4 min ton yük düşüb, dəmiryolu ilə 33 mln. ton, avtomobillə 1,14 mln. ton, hava ilə 27,7 min ton və boru kəməri ilə 3,15 mln. ton təşkil edib.
Azərbaycan ərazisindən tranzitlə 6,53 mln. ton yük daşınıb. Yüklər əsasən İsveçrədən - 2,09 mln. ton, İtaliyadan - 1,7 mln. ton, Gürcüstandan - 1,16 mln. ton, Tacikistandan - 417,2 min ton, Rusiyadan- 222,4 min ton, Türkmənistandan - 175,3 min ton, İrandan - 181,4 min. ton, Türkiyədən - 188,5 min ton və Kiprdən - 112 min ton daşınıb. Azərbaycandan tranzitlə daşınan yüklərin həcmi 2005-ci ilə nisbətən 1,26 mln. ton aşağı düşüb.
