"Azərbaycan İnvestisiya Şirkəti" SC (AİŞ) Qara və Aralıq dənizlərində neft məhsularının daşınması ilə məşğul olacaq gəmiçilik şirkətinin yaradılması üzrə layihənin texniki tərəfinin hazırlığını aparır. Şirkət gəmilərin alınması və ya icarəyə götürülməsini müəyyənləşdirməlidir. Trend ə əsasən bu barədə bu gün AİŞ-nin icraçı direktoru Anar Axundov məlumat verib.
"Biz təbii ki, minoritar səhmdar olacağıq. Təbii ki, strateji investorlar - strateji əməkdaşlar da olacaq. Bir neçə şirkətlərlə danışıqlar aparılır", deyə A. Axundov qeyd edib.
Əvvəllər AİŞ gəmiçilik şirkəti üçün yerli operatorlarla müəyyənləşib. Yerli operatorlarla memorandumun əldə olunmasından sonra investisiya şirkəti xarici maliyyələşmənin cəlb olunması istiqamətində fəaliyyətini aktivləşdirəcək. İştirak AİŞ-lə birgə layihələrdə iştirak etmək arzusunu bildirmiş Qara dəniz ticarət və inkişaf Bankına təklif olunacaq. Avropa Yenidənqurma və İnkişaf Bankının da investor olması istisna edilmir. Maliyyələşdirməyə kredit forması və səhmdar kapitalda iştirak də cəlb oluna bilər.
Yaradılacaq şirkətdə operatorun minimal iştirakı AİŞ-nin iştirak payına əsasən 60-70% səviyyəsində olacaq, strateji investora səhmlərin 10-15% veriləcək. Bu layihədə AİŞ-nin iştirakı 20-25% səviyyəsində nəzərdə tutulub.
Öncəki qiymətləndirməyə əsasən, gəmiçilik şirkətinin yaradılması üçün təqribən 100 milyon dollar tələb olunur.
Gəmiçilik şirkətinin yaradılması ideyası neft hasilatının artması ilə bağlı yaranıb və bununla bağlı əlavə xidmət göstərməklə neft tranzitindən dövlət büdcəsinə daxil olan gəlirlərin artırılması planlaşdırılıb.