Beynəlxalq Maliyyə Korporasiyası və "Azərbaycan investisiya şirkəti" SC korporativ idarəetmə standartlarının tətbiqi üzrə qarşılıqlı anlaşma haqqında memorandum imzalamağa hazırlaşırlar. Trend xəbər verir ki, bu barədə cümə günü BMK-nın Azərbaycandakı nümayəndəsi Aliyə Əzimova məlumat verib.
"Korporativ idarəetmənin ən yaxşı standartları AİŞ investisiya qoyduğu şirkətlərdə, eləcə də investisiya şirkətinin özündə tətbiq olunacaq. Memorandum çərçivəsində həmçinin AİŞ-in investisiya qoyacağı şirkətlər, eləcə də bir sıra başqa sahələr üçün Korporativ idarəetmə Məcəlləsinin hazırlanması nəzərdə tutulub", - deyə BMK nümayəndəsi qeyd edib.
AİŞ ilə birgə BMK-nın Azərbaycandakı layihələri maliyyələşdirməsi planlarına gəlincə, A.Əzimovanın sözlərinə görə, korporasiya bu sahədə də əməkdaşlıq üçün açıq olacaq.
