2006-cı ildə dəmir yolu nəqliyyatının xidmətlərindən 2005-ci ildəkindən 333 min çox sərnişin istifadə edib. Trend xəbər verir ki, bu barədə Azərbaycan Dövlət dəmir yolunun "Sərnişin daşımaları" istehsalat birliyinin başçısı Elyar Muradov məlumat verib.
Onun sözlərinə görə, 2006-cı ildə 5 mln. 824 min 60 sərnişin daşınıb. 2005-ci ildə daşınan sərnişinlərin sayı 5 mln. 491 min 425 olub.
E.Muradov qeyd edib ki, 2005-ci illə müqayisədə 2006-cı ildə biletlərin satışından əldə olunmuş vəsaitlərin həcmi 4 mln. 64,4 min manat artıb. Ötən il istehsalat birliyinin ümumi gəliri 3 mln. 74 min manat artıb. 2006-cı ildə bu göstərici 24 mln. 47 min manat təşkil edib.