Azərbaycan,Bakı/müxbir Trend S.Babayeva/Azərbaycanda ilk dəfə olaraq "Milli Toy" (National Wedding 2007) sərgisi keçiriləcək. Bu barədə Iteca Caspian llc şirkətindən məlumat verilib.
Sərgi 20-22 sentyabr tarixində "Avropa Qrand Mehmanxanası"nda keçiriləcək. Sərginin əsas məqsədi toyların təşkil olunmasının müasir tendensiya və imkanlarla əhalinin böyük hissəsini tanış etmək, bu sahədə məşğul olan bütün şirkətlərə 3 gün ərzində müştərilərinin əksər hissəsini öz xidmətləri barədə məlumatlandırmaq imkanı təqdim etmək, ailə qurmağa hazırlaşan gənc cütlüklərin diqqətini cəlb etmək və toyların təşkili üçün hazırlığa kömək göstərməkdir.
Sərginin əsas bölmələri:
Toy, yubiley, korporativ, buraxılış şənliklərinin təşkili;
Zalların tərtibatı və floristika;
Restoran, banket xidməti, toy tortu, içkilər;
Tof və gecə geyimləri və kostyumlar;
Aksessuarlar və qalantereya;
Zərgər məmulatları, bijuteriya;
Stolun düzəldilməsi: stol dəstləri, xrustal, çini və şüşə qablar;
Kişi, qadın və ailə üçün xüsusi nəşrlər;
Musiqi tərtibatı;
Toy kartejləri;
Foto və video çəkiliş;
Toy səyahətləri;
Kosmetologiya və kompleks sağlamlaşdırma proseduru; gözəllik salonları;
Ətriyyat və kosmetika;
Banklar. Gənc ailə quranlara və başqalarına kreditlərin təqdim edilməsi.
Şirkət gənclər arasında 30 min pulsuz dəvətnamə yaymaq niyyətindədir.