Azərbaycan,Bakı/müxbir Trend Ü.İsmayılova /"Abşeron" səhmdar sığorta şirkətinin baş direktoru Ağahüseyn Hüseynov təsisçilərin qərarı ilə tutduğu vəzifədən azad edilib. Ağahüseyn Hüseynovun bu gün bildirdiyinə görə, yaxın zamanlarda o, Azərbaycanın digər sığorta şirkətində işə düzələcək. "Məhz hansı sığorta şirkətinin olacağını hələ qərara almamışam", deyə o, bildirib.
Ağahüseyn Hüseynovun yerinə hazırda "Abşeron"un icraçı direktoru Rafiq Hacıyevin təyinatı gözlənilir. Maliyyə Nazirliyinin məlumatına əsasən, 2006-cı ildə "Abşeron" səhmdar sığorta şirkətinin sığorta ödəmələri 0,54 mln manat, sığorta haqları 0,34 mln manat təşkil edib.