Azərbaycan,Bakı/müxbir Trend Ü.İsmayılova/Azərbaycan İpoteka Fondu (AİF) 2007-ci ilin birinci rübündə 289 kredit ayırıb. Bu barədə fonddan cümə günü məlumat verilib.
Fondun məlumatına əsasən, AİF fəaliyyət göstərdiyi il ərzində 24,62 mln. manat məbləğində 724 kredit verib.
Kreditlərin orta faiz dərəcəsi 6,3, minimal isə 5 faiz təşkil edib. Kreditlərin orta müddəti 18 il, minimal isə 3 il təşkil edib. Kredit üzrə orta aylıq ödəmə 241 manat, minimal isə 54 manat təşkil edib. Kreditin orta məbləği 34 min, minimal isə 5 min 260 manat təşkil edib.
Mənzilin orta sahəsi 57 kvadrat metr, minimal isə 14 kvadrat metr təşkil edib. Mənzilin orta qiyməti 41 min 908 manat, minimal isə 9 min 293 manat təşkil edib. Kreditorların orta artım kateqoriyası 29 il, minimal isə 19 il təşkil edib.
Azərbaycan İpoteka Fondu 23 səlahiyyətli bank vasitəsilə ayrılan ipoteka kreditlərini yenidən maliyyələşdirir. 2006-cı ildə fond üçün dövlət büdcəsindən 26 mln. manat, cari ilin büdcəsindən isə 20 mln. manat ayrılıb.
