Azərbaycan, Bakı/ Trend müxbir S.Əliyev/Yayda Düşənbə şəhərində TRACECA nəqliyyat dəhlizinə üzv ölkələrin Milli Katiblərinin toplantısı keçiriləcək. Bu barədə təşkilatda Azərbaycandan olan milli katib Akif Mustafayev məlumat verib.
Onun sözlərinə görə, bu iclas payız aylarında Astanada keçiriləcək TRACECA hökumətlərarası komissiyasına qədərki sonuncu iclas olacaq.
Milli Katiblərin görüşündə nəqliyyat dəhlizinin işində iştirak edən, bu dəhliz vasitəsilə daşımalar həyata keçirən biznesmenlərin daxil olacağı biznes şuraların yaradılması ilə bağlı müzakirələrin aparılacağı gözlənilir.
Bu cür şuranın yaradılması nəqliyyat dəhlizində yarana biləcək problemlərin operativ surətdə həll olunmasına imkan yaradacaq.