Azərbaycan, Bakı/ Trend müxbir İ.Xəlilova/ Azərbaycanın Dövlət Əmlakının Idarə Edilməsi üzrə Dövlət Komitəsi "Sumqayıt kompressor" ASC-nin 98,95 faiz səhmlərini investisiya müsabiqəsinə çıxarıb. Bu barədə Dövlət Komitəsindən məlumat veriblər. Əmək kollektivinə 1,05 faiz səhm verilib, yerdə qalan hissə isə müsabiqə yolu ilə özəlləşdiriləcək.
Müsabiqə təkliflərinin qiymətləndirilməsi namizədlərin 14 maya qədər təqdim edəcəyi özəlləşdirmə planı və iştirak ərizəsinə baxıldıqdan sonra 16 may 2007-ci ildə həyata keçiriləcək.
Təkliflər paketində müasir standartlara cavab vermək şərtilə sənaye məhsullarının istehsalını nəzərdə tutan investisiya planı da olmalıdır. Təkliflərə müvafiq olaraq dövlət büdcəsinə
800 min manat, Dövlət Komitəsinə isə 30 min özəlləşdirmə çeki təqdim edilməlidir. Namizədlərin niyyətlərinin ciddiliyini göstərmək üçün hər hansı bir bankın 250 min manat dəyərində zəmanət məktubu olmalıdır.
2007-ci il aprel ayının 1-nə olan vəziyyətə görə "Sumqayıt kompressor" ASC-nin nizamnamə kapitalı 3,121 mln. manat təşkil edir. Müəssisə 1971-ci ildə istismara verilib və 214 nəfər işçisi var. SC-nin öhdəlikləri 1,637 mln. manatdır ki, bunun da 1,073 mln. manatı malların, xidmət və işlərin, 0,160 mln. manatı əmək haqları və bunabərabər tutulan borcların payına düşür. Müəssisənin debitor gecikdirmələri isə 0,540 mln. manat təşkil edir.
