Azərbaycan,Bakı/müxbir Trend S.Babayeva/ Azərbaycan Kənd Təsərrüfatı Nazirliyinin nümayəndələri martda Cənubi Koreyanın Ərzaq Tədqiqatları İnstitutu (Korea Food Research Institute (KFRI)) ilə qarşılıqlı anlaşma barədə imzalanmış memorandum çərçivəsində Cənubi Koreyaya dəvət olunub. Bu barədə bazar ertəsi nazirlikdən məlumat verilib.
Səfər Seulda aprelin 21-dən 28-dək davam edəcək və əsasən tanışlıq xarakteri daşıyır.
Nazirlikdən bildirilib ki, tərəflər yığımdan sonra kənd təsərrüfatı məhsullarının saxlanma müddətinin uzadılması üzrə elmi-tədqiqat işləri aparmaq niyyətinə malikdir. İlkin mərhələdə Azərbaycan tərəfi bu işləri üç bitki üzrə - üzüm, alma və pomidor üzrə reallaşdırmağı təklif edir. Bunun üçün detallar razılaşdırıldıqdan sonra maliyyə mənbələri hələ də müəyyənləşdirilməmiş layihənin hazırlanması planlaşdırılr.
Lakin Koreya tərəfi layihənin reallaşdırılması üçün vəsaitləri özünün təqdim edəcəyini istisna etmir. Belə ki, Koreya digər ölkələrdə bu cür layihələrin maliyyələşdirilməsi sahəsində təcrübəyə malikdir.
