Azərbaycan,Bakı/müxbir Trend S.Əliyev/İran İslam Respublikasının nəqliyyat naziri Məhəmməd Rəhmətinin Azərbaycana səfəri mayın ikinci dekadasına təyin olunub. Bu barədə çərşənbə günü Azərbaycanın nəqliyyat naziri Ziya Məmmədov məlumat verib. Səfər 1-2 mart tarixdə baş tutmalı idi, lakin sonra aprelin əvvəlinə təyin olunmuşdu.
İran nazirinin Azərbaycana səfəri çərçivəsində avtomobil və dəmiryol əlaqəsi, həmçinin Şimal-Cənub dəhlizi və digər məsələlərin müzakirəsi planlaşdırılır.
Həmçinin İran ərzisindən keçməklə Naxçıvan Muxtar Respublikası ilə avtobus əlaqəsinin açılması layihəsinin müzakirəsi də nəzərdə tutulur.