Azərbaycan, Bakı/ Trend müxbir S.Əliyev/ Azərbaycan Dövlət Xəzər Gəmiçiliyi öz istismar dövrünü başa vurmuş 3 gəmini satmaq niyyətindədir. Bu barədə çərşənbə axşamı Gəmiçiliyin sədr müavini Muxtar Axundov bildirib.
Bunlardan biri "Qəhrəman Mehdi" tipli, "Sormovo layihəli", 3 min ton dedveytli gəmi olacaq. Gəmiçiliyin balansında 10 belə gəmi var. Həmçinin Gəmiçilik 4 min ton dedveytli, "Ağstafa" tipli iki yük gəmisini satmaq niyyətindədir. Satışı həyata keçirmək üçün Dövlət əmlakının idarə edilməsi üzrə Dövlət Komitəsindən icazə alınmalıdır. Gəmiçilik komitəyə artıq məktub göndərib.
"Qəhraman Mehdi" tipli gəmilərin uzunluğu 114 metr, eni 13 metr, hündürlüyü 5,5 metr, dedveyti 3 min tondur.
"Ağstafa" tipli gəmilərin uzunluğu 120 metr, eni 15 metr, hündürlüyü 6,5 mütr, dedveyti 4 min tondur.
