Azərbaycan, Bakı/ Trend müxbir İ.Xəlilova/ Azərbaycanın İqtisadi İnkişaf Nazirliyi 2006-cı maliyyə ili üçün TACİS milli fəaliyyət planı üzrə maliyyə memorandumu imzalamaq üçün səlahiyyət almaq məqsədilə Nazirlər Kabinetinə sorğu təqdim etməyə hazırlaşır. Bu barədə cümə günü Nazirlikdən məlumat veriblər. Səlahiyyətin Avropa Komissiyasında Azərbaycan üzrə koordinator olan iqtisadi inkişaf naziri Heydər Babayevə verilicəyi güman edilir.
Sənədin may ayında imzalanması planlaşdırılır. 2006-cı il fəaliyyət planı 15 iyun 2006-cı ildə Avropa Komissiyası tərəfindən imzalanıb.
Memorandumun imzalanmasındakı gecikmələr isə ona daxil olan layihələrin fəaliyyətinə hələ ki, təsir göstərməyib.
2006-cı il fəaliyyət planına aşağıdakı layihələr daxidir: investisiya mühütinin yaxşılaşdırılması (3 mln. avro), İqtisadi İnkişaf Nazirliyinin institusional inkişafı (3 mln. avro), texniki peşə təhsilinin inkişafı sistemi (3 mln. avro), tvininq-proqram hazırlanması (6,5 mln. avro), Azərbaycan və Aİ arasında tərəfdaşlıq və əməkdaşlıq sazişinin həyata keçiriılməsinə yardım (3,5 mln. avro).