Azərbaycan,Bakı/müxbir Trend /Avropanın Yenidənqurma və İnkişaf Bankı Direktorlar Şurası tərəfindən Biləcəri və Böyük Şor depolarında lokomotivlərin xidmət bazasının yaradılması, həmçinin Azərbaycan Dövlət Dəmir Yolu (ADDY) üçün ehtiyat hissələrinin alınması üzrə kredit sazişinin baxılması müddətini növbəti dəfə təxirə salıb. Bu barədə bankın məlumatında bildirilib.
Kredit sazişinə setyabrın 4-də baxılacaq. Öncə tarix iyunun 12-nə təyin olunmuşdu.
ADDY üçün lokomotivlərin AYİB-in vəsaitləri hesabına alınması layihəsi ADDY-nin dəmir yolu əməliyyatlarının təhlükəsizlik və effektivliyini artıracaq və yol trafikinin təxminən 75%-ni təşkil edən neft və neft məhsullarının daşınmasında neft axınlarının riskini azaldacaq.
Bankın ekologiya üzrə mütəxəssisləri layihə çərçivəsində ətraf mühitin və sağlamlığın mühafizəsi üzrə Avropa Birliyi standartlarına müvafiq bir neçə təklif hazırlayır. AYİB-in krediti elekrolokomotivlərin, depo avadanlığının yeniləşdirilməsinə və yol maşınlarının alınmasına istiqamətləndiriləcək.
Layihənin hazırlanması üzrə işlər Böyük Britaniyanın Trust Fund-u tərəfindən 49,95 min avro məbləğində maliyyələşdirilir. Öncə Azərbaycan hökuməti lokomotivlərin alınması üçün AYİB-in krediti hesabına maliyyələşdirilməsindən imtina etmişdi. Layihəyə ayrılan 50 mln. dolların 27 milyonu lokomotivlərin alınması üçün, 23 mln. dollarlıq ikinci tranş Biləcəri və Böyük Şor depolarında lokomotivlərin xidmət bazasının yaradılması, həmçinin ADDY-nin ehtiyat hissələrinin alınması üçün nəzərdə tutulmuşdu.
Birinci komponentin çıxarılmasına baxmayaraq, Azərbaycan Avrobankdan 30 mln. dollar kredit almağı nəzərdə tutur. İkinci komponentin bahalaşması qiymət artımı, əsasən də tikinti materiallarına olan qiymətlərin artımı ilə əlaqədardır.
