Azərbaycan, Bakı /müx. Trend Ü.İsmayılova / Azərbaycanın İpoteka Fondu (AİF) 2006-cı ilin martından ümumi məbləği 36 mln. manat olan 1000 kredit verib. Bu barədə çərşənbə günü AİF-dən məlumat veriblər. Bu kreditlərdən 700-ü AİF tərəfindən maliyyələşdirilib.
Müvafiq müddət ərzində ümumi məbləği 137 mln. manat olan 45 güzəştli kredit verilib. Bölgələrdə ümumi məbləği 2 mln. manat olan 76 kredit ayrılıb. Kredit alanların 70 faizi gənc ailələrdir.
AİF 23 səlahiyyətli bank tərəfindən verilən kreditləri maliyyələşdirir. 2006-cı ildə dövlət büdcəsindən AİF üçün 26 mln. manat ayrılmışdı. Bu il büdcədən ayrılan vəsait isə 20 mln. manat təşkil edir.