Azərbaycan, Bakı /müx. Trend Ü.İsmayılova/ "Tural-Sigorta" şirkəti ölkənin sığorta bazarındakı vəziyyətinin dəyişdirilməsi ilə bağlı işlər aparır. Bu barədə cümə günü şirkətin İdarə Heyətinin sədr müavini Eldar Məmmədov məlumat verib.
2006-cı ildə şirkətin mükafatları 0,33 mln. manata bərabər olub, ödəmələr isə 0,10 mln. manat təşkil edib.
Cari ilin birinci rübündə mükafatların ümumi məbləği 0,07 mln. manat, ödəmələr isə 0,02 mln. manat olub. Birinci rübdə bazarda sığorta mükafatlarının ümumi məbləği 12,02 mln. manat təşkil edib.
Məmmədovun sözlərinə görə, şirkətin xidmətlərinin keyfiyyətinin artırılması və onun bazardakı vəziyyətinin dəyişdirilməsi üçün "Tural-Sigorta" əməkdaşları Azərbaycan Maliyyə Nazirliyinin Dövlət sığorta nəzarəti şöbəsinin təşkil etdiyi treninqlərdə iştirak edirlər.
"Şirkətin planlarına həmçinin səhiyyə və həyat sığortası növlərinin tətbiqi daxildir" - deyə o vurğulayıb.
