...

Əmək Nazirliyi Qazaxda keçirilmiş yarmarkanın yekunlarını elan edib

Biznes və iqtisadiyyat xəbərləri Materials 21 May 2007 15:39 (UTC +04:00)

Azərbaycan,Bakı/müxbir Trend S.Babayeva/ Qazax rayonunda keçirilmiş yarmarkanın yekunlarına əsasən 50 nəfər işlə təmin olunub. Bu barədə bazar ertəsi Əmək və Əhalinin Sosial Müdafiəsi Nazirliyinin baş idarəsindən məlumat verilib.

Yarmarkada 121 vakant iş yeri ilə 18 müəssisə və təşkilat iştirak edib. 15 nəfər hazırlıq kurslarına, 16 nəfər isə ödənilən ictimai işlərə cəlb olunub.

İlin əvvəlindən ölkədə əmək yarmarkaları vasitəsilə 409 nəfər işə qəbul olunub. Hazırlıq kurslarına 42 nəfər, ödənilən ictimai işlərə 46 nəfər cəlb olunub. Yarmarkada iştirak edən şirkətlərin sayı 2087 vakant yerlə 205 təşkil edir. Növbəti əmək yarmarkası mayın 25-də Göyçayda keçiriləcək.

2006-cı ildə Əmək Nazirliyi Azərbaycanın müxtəlif regionlarında, həmçinin Naxçıvan Muxtar Respublikasında 40-dan çox əmək yarmarkası təşkil edib. Bu əmək yarmarkalarının yekununda 7,8 mindən çox adam işlə təmin olunub.

Xəbər lenti

Xəbər lenti