Azərbaycan, Bakı/ Trend müxbir İ.Xəlilova/ Beynəlxalq Maliyyə Korporasiyasının (BMK) Azərbaycanda korporativ idarəetmənin inkişafı layihəsi mayın 31-də banklarda korporativ idarəetmənin tətbiqi ilə bağlı sorğunun nəticələrini açıqlayıb. Bank sahəsi üzrə hüquqi məsləhətçi Eldar Adilzadənin bildirdiyinə görə, sorğuda 34 bank iştirak edib ki, bunlardan da 26-sı 1995-ci ildən yaradılıb.
Sorğu keçirilmiş bankların 35,3 faizində səhmdarın səhmlərə nəzarət paketi var. 38,3 faizdə əsas səhmdarların digər səhmdarlarla qohumluq əlaqəsi var. 41,2 faiz banklarda isə 2 faizə qədər səhm paketinə malik olan səhmdar var.
Bankların 85,3 faizi korporativ idarəetmənin prinsipləri haqqınada biliklərin mövcud olduğunu göstərib. Bununla yanaşı respondentlərin 38,2 faizi öz banklarında korporativ idarəetmənin maksimum səviyyədə olduğunu göstəriblər.
Bankların maliyyə vəsaitləri cəlb etmək üçün geniş planları mövcuddur. Bununla yanaşı bankların 17,6 faizi etiraf edib ki, investisiyaların cəlb olunması üçün korporativ idarəetmənin qabaqcıl imkanları mövcuddur. Onun üstünlüklərindən biri qərar qəbulu prosesinin yaxşılaşdırılmasıdır ki, bunu da bankların 55,9 faizi təsdiq edib.
Korporativ idarəetmənin tətbiqində bankların 61,8 faizi əsas maneə kimi bu sahədə qanunvericiliyin qeyri-effektiv olmasını görürülər. Bu məsələnin yaxşılaşdırılmasında əsas addım kimi bankların 52,9 faizi Müşahidə Şurası Komitələrinin yaradılmasını görürlər.
Korporativ idarəetmənin qabaqcıl təcrübəsində mühim amillərdən biri müstəqil direktorların olması sayılsa da, cəmisi 11,8 faiz bunu dəstəkləyib.
