Azərbaycan, Bakı/ Trend müxbir S.Əliyev/ Azərbaycan öz ərazisi vasitəsilə Qazaxıstanın "Tengiz" yatağından hasil olunmuş neftin dünya bazarlarına çıxarılması üçün müqavilə bağlanılması haqda "TenqizŞevroil" konsorsiumu ilə danışıqlar aparır.
Azərbaycan Dövlət Dəmir Yolunun (ADDY) rəhbəri Arif Əsgərovun çərşənbə axşamı bildirdiyinə görə, konsorsium beş il ərzində 20 mln. ton neft nəql etməyi təklif edir.
"Neftin tədarükü artıq 2008-ci ilin əvvəlindən başlaya bilər" - deyə o söyləyib.
Hazırda "Tengiz" yatağından hasil olunan neft KTK boru kəməri ilə Novorossiysk limanına daşınır. "Tengiz" yatağının işlənməsi üzrə operator Amerikanın "Chevron" şirkətinin rəhbərliyi ilə "TenqizŞevroil" konsorsiumudur.
2006-cı ildə KTK ilə nef nəqli 1,97 faiz artaraq 2005-ci ildəki 30,5 mln. tona qarşı 31,1 mln. ton təlşkil edib.
Hazırda KTK kəmərində hökumətlərin payı bu cür bölünüb - Rusiya 24 faiz, Qazaxıstan-19 faiz, Oman sultanlığı - 7 faiz. Konsorsium iştirakçısı olan özəl şirkətlər sırasında - "Chevron Caspian Pipeline Consortium Company" (15 faiz), "LUKARCO B.V." (12,5 faiz), "Rosneft-Shell Caspian Ventures Limited" (7,5 faiz), "Mobil Caspian Pipeline Company" (7,5 faiz), "Agip International (N.A.) N.V." (2 faiz), "BG Overseas Holding Limited" (2 faiz), "Kazakstan Pipeline Ventures LLC" (1,75 faiz) və "Oryx Caspian Pipeline LLC" (1,75 faiz) var.
Aprelin 28-də Rusiya prezidenti KTK-dakı Rusiya payının "Transneft"in idarəsinə etibar etmək haqqında fərman verib.