Azərbaycan, Bakı /müx. Trend A.İsmayılova/ Gələn həftə Gəncədə poladtökmə zavodunun inşası ilə bağlı tenderin nəticələri açıqlanacaq.
Müsabiqədə iştirak edən Azərbaycanın AsGroup şirkətinin vitse-prezidenti Nüşirəvan Cəlilov çərşənbə axşamı jurnalistlərə bildirib ki, tenderdə həmçinin üç türk və bir alman şirkəti iştirak edir.
Onun sözlərinə görə, zavodun inşası 1,5 il davam edəcək. Birinci mərhələdə 65 mln. dollar xərclənəcək. Hər il müəssisə 700 min ton metal istehsal edə biləcək. İnvestor rolunda Böyük Britaniyanın Detal şirkəti çıxış edir.
Cəlilov bildirib ki, bu il həmçinin Gəncə alüminium zavodunun tikintisinə start veriləcək. Zavodun illik istehsal gücü 100 min ton olacaq. Tikintiyə 250 mln dollar sərf olunacaq. İnşa işləri 1,8 ilə yekunlaşacaq.