Azərbaycan, Bakı /müx. Trend İ.Xəlilova / Azərbaycanın Banklar Assosiasiyası (ABA) Ukrayna və Belarusun bank assosiasiyaları ilə əməkdaşlıq sazişləri imzalayıb. Bu barədə çərşənbə axşamı ABA prezidenti Eldar İsmayılov məlumat verib.
Müvafiq anlaşmalar əməkdaşlıq və kooperasiyanın ümumi istiqamətini nəzərdə tutur. Lakin maliyyə imkanları mövcud olduğu halda qısa və uzunmüddətli perspektivdə digər əməkdaşlıq istiqamətləri də nəzərdən keçirilə bilər. Bu, ABA üzvü olan banklardan asılıdır.
Müqavilələrin imzalanması üçün ABA prezidenti Kiyev və Minskdə olub. İsmayılov Bakıya iyunun 13-də dönəcək.
Hazırlıq mərhələsində Özbəkistan, Qazaxıstan və Qırğızıstan bank assosiasiyaları ilə analoji saziş layihələri də var. Onlar iyunun sonuna kimi imzalanacaq. Müvafiq sazişlər artıq Rusiya, Gürcüstan, Kipr və Yunanıstan bank ictimaiyyətləri ilə imzalanıb.