Azərbaycan, Bakı /müx. Trend S.Babayeva/ Kənd Təsərrüfatı Nazirliyi yanında dövlət baytarlıq xidməti epizootiya ilə mübarizə çərçivəsində bioloji preparatların, diaqnostikumların alınması ilə bağlı tender elan edib. Verilən məlumata görə, tender iki lot üzrə keçirilir. Birinci lot peyvəndlərin və diaqnostikumların, ikincisi isə reaktivlərlə avadanlığın alınmasını nəzərdə tutur.
Tenderdə maraqlı şəxslər birinci lot üzrə 1,8 min manat, ikinci lot üzrə isə 1,2 min manat köçürməlidirlər. Təkliflər iyulun 30-dək qəbul ediləcək. Prosedurun özü isə iyulun 31-də nazirlikdə keçiriləcək.
Preparatların alınması dövlət büdcəsindən ayrılan vəsaitlər hesabına gerçəkləşəcək. Tenderin qalibi preparat və diaqnostikumları 2007-ci ilin dekabrınadək təhvil verməlidir.
Diaqnostikumların alınması nazirlik tərəfindən hər il keçirilir.
