Azerbaycan, Bakı/müx. Trend İ.Xəlilova / Azərbaycanın Lizinq Şirkətləri Assosiasiyası (ALŞA) öz sıralarını genişləndirməyi planlaşdırır. ALŞA-nın idarə heyəti sədrinin verdiyi məlumata görə, bu istiqamətdə artıq danışıqlar aparılır. Yaxın gələcəkdə lizinq əməliyyatlarına başlamaq arzusunda olan bir sıra banklar da Assosiasiyaya qoşulmağı planlaşdırırlar.
Beynəlxalq Maliyyə Korporasiyasınnın apardığı hesablamaya görə, Azərbaycanda lizinqlə məşğul olan şirkət və bankların sayı 20-dən çoxdur. Məmmədov hesab edir ki, bu sahədə yalnız 5-6 şirkət aktiv iş aparır. Bu fakt liznq sahəsində ixtisaslaşan kadrların olmaması ilə izah olunur. Bununla belə onların sayının artması gözlənilir. Banklar üçün əsas mübahisəli məsələ departament və törəmə şirkət qismində lizinq müəssisəsinin yaradılmasıdır. Məhz bəzi qeyri-aktiv lizinq əməliyyatları üzündən ALŞA üzvlərinin sayı 12-dən 9-a enib. Assosiasiyanı Gunay Leasing, AzerLeasing və NBC Bank tərk ediblər.
Məmmədovun sözlərinə görə, bəzi şirkətlər əməliyyatları aktivləşdirdiyi tədqirdə assosiasiyanın sıralarına qayıda bilərlər. ALŞA 2005-ci ildə Beynəlxalq Maliyyə Korporasiyasınnın layihəsi çərçivəsində yaradılıb.