Azərbaycan, Bakı /müx. Trend İ.Xəlilova/ RF-nin Azərbaycan respublikasında ticarət üzrə nümayəndəsi Yuri Şedrinin bazar ertəsi mətbuat konfransında verdiyi məlumata görə, Azərbaycan- rus iqtisadi əməkdaşlıq və ticarət palatası "Russkiy mir" Assosiasiyası və Rusiyanın Azərbaycandakı Ticarət Nümayəndəliyi ilə birlikdə Azərbaycan bazarında rus firma və şirkətlərinin monitorinqi aparıb. Onun sözlərinə görə, monitorinqin məqsədi problemləri və Azərbaycanda inkişaf perspektivlərini aşkara çıxarmaqdan ibarət olub.
Azərbaycanda 400-dən çox rus firma və şirkətinin nümayəndəliyi fəaliyyət göstərir, amma faktiki olaraq 300-dən çox rus şirkəti Azərbaycanda kifayət qədər stabil çalışır.
"Monitorinqin nəticələri ümumilikdə qanaətbəxşdir, amma monitorinq göstərdi ki, xüsusilə orta və kiçik bizneslə məşğul olan müəssisələrin aktiv dəstəyə, qarşılıqlı yardıma və müəyyən istiqamətlərə ehtiyacı var. Biz böyük qorxu ilə gözləyirdik ki, 400 rus şirkəti arasında birgünlük şirkətlərə də rast gəlinəcək, amma xoşbəxtlikdən buna rast gəlmədik" - deyə Şedrin bildirib.
Azərbaycanda fəaliyyət göstərən şirkətlərin problemlərini həll etmək məqsədilə "Russkiy mir" Assosiasiyası, Azərbaycan- rus iqtisadi əməkdaşlıq və ticarət palatası, Rusiyanın Azərbaycandakı səfirliyinin bazasında Koordinasiya Metod Mərkəzi yaratmaq planlaşdırılır.
"Biz razılığa gəlmişik ki, ticarət nümayəndəliyi və metodik mərkəz bu şirkətlərin işində dayaq rolu oynasın" - deyə ticarət nümayəndəsi bildirib.
