Azərbaycan, Bakı /müx. Trend S.Əliev/ Çərşənbə günü Azərbaycan Nəqliyyat Nazirliyindən verilən məlumata görə, nazirliyin "Azəryolservis" ASC xidməti 1 ay ərzində Şamaxı-Muğanlı avtomobil yolunun bərpası ilə bağlı tenderin nəticələrini yekunlaşdıracaq. Hazırda iştirakçıların tender təkiflərinin qiymətləndirilmə prosesi gedir. Yolun bərpası işlərinə sentyabrın əvvəlində başlamaq planlaşdırılır.
Tenderdə əsasən 13 şirkət iştirak edib. Bu layihə Dünya Bankı tərəfindən maliyyələşdirilir.
Layihə 3 hissəyə bölünüb. Birinci hissə 15 kilometrlik şəhərdaxili yolun 2 zolaqdan 4 zolağadək genişləndirilməsini nəzərdə tutur.
İkinci hissə 65 km uzunluğu və iki zolağı olan avtomobil yolunun bərpasını nəzərdə tutur. Üçüncü hissə 44 km uzunluğu olan ikizolaqlı yolun bərpasını planlaşdırır.
Görüləcək işlərə həmçinin yol örtüyünün bərpası, körpülərin tikilməsi, boruların basdırılması daxildir.
Dünya Bankı iki avtomagistralın tikintisi məqsədilə Azərbaycana 200 mln. dollar civarında kredit ayrılmasını təqdir edib. Layihənin əsas məqsədi nəqliyyat xərclərinin azaldılması, Azərbaycanın Şərq-Qərb və Şimal-Cənub dəhlizlərinin təhlükəsizliyinin təmin edilməsidir.
Bu məqsədlə İran sərhədində Ələt-Astara magistralının bəzi hissələrinin təmiri nəzərdə tutulur.
Layihə Ələt-Astara avtomobil magistralının marşrutunun genişləndirilməsi və ona dəyişikliklərin edilməsini nəzərdə tutur ki, bundan sonra yolun uzunluğu 230 km-dən 200 km-dək qısaldılacaq. Həmçinin Bakını Azərbaycanın qərb rayonları ilə birləşdirən Bakı-Şamaxı-Muğanlı yolunun təmiri planlaşdırılır.
