Azərbaycan Maliyyə Nazirliyi suveren avrobondların yerləşdirilməsi və buraxılışı üzrə lidmeneceri müəyyən edib

Azərbaycan, Bakı /müx. Trend İ.Xəlilova/ Azərbaycan Maliyyə Nazirliyi suveren avrobondların yerləşdirilməsi və buraxılışı üzrə lidmeneceri müəyyən edib. Azərbaycan prezidenti yanında Qiymətli Kağızlar üzrə Dövlət Komitəsinin rəhbəri Gündüz Məmmədovun cümə axşamı verdiyi məlumata görə, menecer qismində "Deutsche Bank" seçilib.

Bu bank faizi 0,05 olmaqla avro istiqrazları 5 və 10 il müddətinə yerləşdirməyi nəzərdə tutur. Qeyd edək ki, avro istiqrazların buraxılışı üzrə menecer vəzifəsi üçün 11 namizəd, hüquqi xidmətlərin göstərilməsi üzrə isə 4 namizəd tender təklifi irəli sürmüşdü.

Qiymətləndirmə birinci vəzifə üzrə 11, ikinci vəzifə üzrə isə 7 meyara əsasən aparılıb.

Birinci vəzifə üzrə "UBS", "Commerz-bank", "UniCredit", "Lehman Brothers", "Is Investment", "Credit Swiss", "DrezdnerBank", "Deutsche Bank", "ABN Amro", "Morgan Stanley", "JP Morgan" şirkətləri təkliflər irəli sürüb.

İkinci vəzifə üzrə isə "Baker McKenzy", "ArnoldPortner", "Fresh Fields Bruckhaus", zhəmçinin "LeBoeuF, lamb, greene MacRaE" şirkətləri təkliflərini bildiriblər.

"Biz ümid edirik ki, payız aylarına qədər avrobondları qeydiyyatdan keçirmək və onları yerləşdirmək mümkün olacaq" - deyə Məmmədov bildirib.

Onun sözlərinə görə, Azərbaycan Beynəlxalq Bankı və "Bank Standard" da daxil olmaqla Azərbaycanın digər bankları avrobondlar buraxmağa hazır olduqlarını elan ediblər.

"Bank Standard"ın avro istiqrazlarına xarici banklar da böyük maraq göstərirlər" - deyə Məmmədov qeyd edib.