Azərbaycan, Bakı /müx. Trend İ.Xəlilova / Cümə axşamı ACGP-nin rəhbəri Çarlz Kenfildin verdiyi məlumata görə, martın 9-da imzalanmış əməkdşlıqla bağlı qarşılıqlı anlaşma memorandumu çərçivəsində Beynəlxalq Maliyyə Korporasiyasının korporativ idarəetmə layihəsi (ACGP) "Azərbaycan İnvestisiya Şirkəti"nə müxtəlif istiqamətlərdə məsləhətlər verilməsinə başlayıb.
Həmçinin AİŞ-in əməkdaşları üçün korporativ idarəetmə üzrə treyninqlər təşkil olunub. Bundan əlavə məsələhətləşmələr AİŞ-in birgə işlədiyi şirkətlər üçün də aparılır. "Biz investisiya şirkətinə alətin hazırlanmasında kömək edirik və AİŞ bu alətdən şirkətlərə investisiya qoymamışdan əvvəl vəziyyəti qiymətləndirmək məqsədilə istifadə edə bilər. Biz həmçinin hər şirkətin qiymətləndirmə medodu ilə bölüşürük" - deyə Kenfild bildirib.