Azərbaycan, Bakı / Trend müxbir İ.Xəlilova / Hökumətdən verilən məlumata görə, Yaponiyanın Beynəlxalq Əməkdaşlıq Bankı avqust ayında Azərbaycana su təminatı və kanalizasiya sisteminin yaxşılaşdırılıması layihəsi üzrə qiymətləndirmə qrupu göndərməyi planlaşdırır.
İlkin qiymətləndirmə su təminatı sisteminin bərpası üzrə aparılıb, lakin indi layihəyə kanalizasiya sistemi də qoşulub. Bundan əlavə layihəyə daxil olan bölgələrin sayı 6-dan 10-a çatdırılıb. Müvafiq olaraq layihənin dəyəri bahalaşaraq 300-400 mln. dollar təşkil edəcək. JBİC tərəfinin təqdim edəcəyi maliyyənin məbləği hələ ki müzakirə mövzusudur. İlkin olaraq Azərbaycan hökuməti JBİC-dən 160 mln. dollar xahiş edib, lakin bu məbləğin artacağı gözlənilir.
Altı bölgə üzrə ilkin texniki-iqtisadi əsaslandırma (Səlyan, Əlibayramlı, Neftçala, Bərdə, Xaçmaz və Şamaxı) "Tokio Engineering/ASPI" konsorsiumu tərəfindən hazırlanıb. "Azərsu"dan verilən məlumata görə, layihənin son yekun qiymətləndirilməsi məqsədilə yeni məsləhtçi cəlb olunacaq.
Layihə üzrə işləri 2008-ci ilin oktyabrında başlamaq planlaşdırılır, bu səbəbədən də yapon bankının Direktorlar Şurasında layihənin təsdiq olunması ilin əvvəlində mümkündür.
