Azərbaycan, Bakı / Trend , müxbir P.Əliyeva, S.Babayeva/ Almaniyanın Bakıdakı səfiri Per Stankinanın fikrincə Azərbaycanın cənub regionu, xüsusilə də Lənkəran güclü iqtisadi potensila malikdir. Səfir cümə axşamı Lənkəranın regional inkişafına həsr olunmuş konfrans zamanı bəyan edib ki, Almaniya regionun turizm və kənd təsərrüfatı sahələrinin inkişafına yardım etməyə hazırdır. Bu məsələ səfirin Lənkəranın icra hakimi Süleyman Mikayılovla görüşü zamanı müzakirə olunub.
Konfrans Azərbaycanın İqtisadi İnişaf Nazirliyi ilə birlikdə Almaniyanın texniki əməkdaşlıq cəmiyyəti olan GTZ tərəfindən təşkil olunub. "Lənkəranın perspektivləri" konfransının məqsədi problemlərin müəyyən edilməsi və həll yollarının tapılması məqsədilə sahibkarlar, hakimiyyət, maliyyə və təhsil strukturları arasında müzakirələri gücləndirməkdir. Konfransın məqsədi təkcə hökumət, səfirlik, beynəlxalq təşkilatlar, maliyyə strukturları və özəl sektorun nümayəndələri arasında diaolqun təşkili deyil, həmçinin sahibkarlar arasında mühüm sahələrdə fikir mübadiləsinə kömək etməkdir. Konfrans çərçivəsində avqustun 10-da Lənkəranda bütün cənub regionu üçün nəzərdə tutulmuş biznes mərkəzinin rəsmi açılışı olacaq.
GTZ Azərbaycanın digər regionlarında da analoji konfranslar keçirməyi planlaşdırır.