Azərbaycan, Bakı / Trend müxbir S.Babayeva/ Avqustun 10-da Əmək və Əhalinin sosial müdaifəsi Nazirliyi eyni vaxtda üç rayonda növbəti əmək yarmarkaları keçirəcək. Yarmarkalar Lənkəran, Siyazən və Qusarda baş tutacaq. Bu barədə cümə axşamı nazirliyin baş məşğulluq idarəsindən məlumat veriblər.
İlin əvvəlindən nazirlik Naxçıvan Muxtar Respublikası daxil olmaqla Azərbaycanın 15 şəhər və rayonunda yarmarkalar təşkil edib. Nəticə etibarilə 1076 nəfər işlə təmin olunub.
Hazırlıq kurslarına 125 nəfər, ödənişli ictimai işlərə 115 nəfər göndərilib. Yarmarkada iştirak edən şirkətlərin sayı 488 olub. Onlar tərəfindən 4773 vakant iş yeri təklif olunub.
Növbəti əmək yarmarkası avqustun 15-də Göranboyda keçiriləcək.