Azərbaycan, Bakı/ Trend müxbir İ.Xəlilova/ İyul ayında istehlak mallarının qiymətinin artım tempi iyun ayı ilə müqayisədə 0,1 faiz, ötən ilin müvafiq ayları ilə müqayisədə 15,3 faiz təşkil edib. Bu barədə çərşənbə axşamı dövlət statistika komitəsindən məlumat verilib.
İyul ayında istehlak mallarının qiyməti 0,1 faiz, qeyri-istehlak mallarının qiyməti isə 0,3 faiz bahalaşıb. Xidmət tarifləri isə dəyişməyib.
Ötən ilin müvafiq dövrü ilə müqayisədə yanvar-iyul aylarında inflyasiyanın artım tempi 15,9 faiz təşkil edib. Bununla yanaşı istehlak mallarının qiyməti 15,4 faiz, qeyri istehlak mallarının qiyməti 10,1 faiz, xidmət sahəsindəki tariflər isə 24,1 faiz bahalaşıb. İyul ayında istehlak mallarının qiyməti 2006-cı ilin müvafiq ayı ilə müqayisədə 13,2 faiz, qeyri istehlak malları 10,6 faiz, xidmət tarifləri isə 26,7 faiz artrıb.