Azərbaycan, Bakı / Trend / Yeddi ay ərzində Azərbaycanın nəqliyyat vasitələri tərəfindən 11858,7 min ton yük daşınıb. Bu, 2006-cı illə müqayisədə 86,88 faiz təşkil edib.
Azərbaycanın Kömrük Komitəsinin verdiyi məlumata görə, ümumi həcmdən yüklərin 6767,7 min ton ixrac, 5091 min ton isə idxal payına düşüb.
İxrac əməliyyatları üzrə əsasən dəniz nəqliyyatının payına 498,2 min ton düşüb, dəmir yol - 1846,8 min ton, avtomobil - 432,9 min ton, hava nəqliyyatı - 2,5 min ton, boru kəmərləri ilə daşınma isə 3982 min ton təşkil edib.
İdxal əməliyyatları üzrə dəniz nəqliyyatının payına 71,5 min ton, dəmir yolu - 3862,5 min ton, avtomobil - 778,2 min ton, hava nəqliyyatı - 13,8 min ton, boru kəmərlərinin payına isə 336,1 min ton düşüb.
Azərbaycan ərazisindən tranzit vasitəsilə 3140,6 min ton yük daşınıb. Yüklər əsasən İsveçrə (890 min ton), İtaliya (848,5 min ton), Gürcüstan (664,6 min ton), Tacikistan (250 min ton), İran (123,3 min ton), Rusiya (91,8 min ton), Türkiyə (118 min ton), Türkmənistan (80 min ton) və Qazaxıstan (32 min ton) istiqamətlərinə daşınıb.
Azərbaycan vasitəsilə tranzit yüklərin ümumi həcmi 84,35 faiz təşkil edib. Müvafiq göstərici ötən ilin analoji dövrü ilə müqayisədə 582,5 min ton azalıb.
