Azərbaycan, Bakı/ Trend , müxbir İ.Xəlilova/ Sərinləşdirici içki istehhsalçısı "Azerbaijan Coca-Cola Bottlers LTD"-nin istehsal və satış həcmi bu il 2002-ci illə müqayisədə altı dəfə artıb. Bu barədə şirkətin baş direktoru Hamit Bozkurt bildirib.
"İstehsalın artımı, məhsulun keyfiyyətinin azalmasına və inflyasiyanın artmasına baxmayaraq, qiymətinin artmasına səbəb olmayıb",-deyə Bozkurt bildirib.
Yay mövsümündə içkilərə tələbaitın artması ilə əlaqədar (Coca-Cola, Coca-Cola Light, Fanta, Sprite, Bonagua) hər ay müəssisə 10 mln. şüşə yaxud 57 mln. litr istehsal edir.
İstehsalın artımı son bir neçə ildə müəssisəyə qoyulan investisiyaların artımı hesabına təmin olunub. Hər il "Azerbaijan Coca-Cola Bottlers LTD" 14-15 mln. dollar investisiya qoyur. Üç il ərzində 45 mln. dollar, fəaliyyətə başladıqdan bəri isə 80 mln. dollar investisiya qoyulub.
Müəssisə 1996-cı ildə Amerikanın Coca-Cola şirkətinin (10%) və türk şirkətlərinin (Əsasən Anadolu Holding-50%) təsisçiliyi ilə yaradılıb.
