Azərbaycan, Bakı / Trend , müxbir İ.Xəlilova / Beynəlxalq Maliyyə Korporasiyasının (BMK) Mərkəzi Asiya və Azərbaycanda ipoteka kreditinin inkişafı üzrə layihəsinin maliyyə analitiki Azər Əliyevin verdiyi məlumata görə, layihə sentyabrın 5-də ipoteka kreditnin vəziyyəti ilə bağlı təhlil aparılması məqsədilə "Texnika Bank"la müqavilə imzalamağı planlaşdırır.
Müqavilə çərçivəsində aradan qaldırması məqsədilə , ipoteka kreditləşməsində mövcud olan bütün zəif cəhətlər müəyyən olunacaq. Qiymətləndirmədən sonra tövsiyələr hazırlanacaq və hazırlanmış hesabat bankların menecmentinə təqdim olunacaq.
"Texnika Bank"dan başqa , ipoteka kreditinin maliyyələşmə bazarlarının iştirakçı banklarında institusional potensialın təkmilləşdirilməsi məqsədilə , daha iki kommersiya bankları ilə danışıqlar aparılır.
Bu tədbirlər texniki yardım layihəsinin II mərhələsi çərçivəsində həyata keçirilir. Layihə BMK tərəfindən İsveçrənin İqtisadi Məsələlər üzrə Dövlət Katibliyi (SECO) ilə birlikdə maliyyələşdirilir. Layihənin regional xarakter daşımasına və Mərkəzi Asiya və Azərbaycanı əhatə etməsinə baxmayaraq , SECO-nun vəsaitləri yalnız Azərbaycan üçün nəzərdə tutulub.
