Azərbaycan, Bakı / Trend , müxbir S.Əliyev, V.Şərifov/ Cümə axşamı Bakıda Azərbaycan Dövlət Neft Şirkətinin yüksək vəzifəli şəxsinin verdiyi məlumata görə, Azərbaycan "Nabukko" qaz kəməri layihəsində iştirak payının əldə edilməsi imkanını nəzərdən keçirə bilər.
"Nabukko" layihəsinin operatoru OMV şirkətidir və bu layihədə 20% iştirak payına malikdir.
Dörd min kilometr uzunluğa malik "Nabukko" qaz kəməri Azərbaycan, Gürcüstan, Türkiyə, Bolqarıstan, Macarıstan, Rumıniya və Avstriya ərazisindən keçməklə Aralıq və Xəzər dənizində hasil olunan qazın Avropaya daşınmasını təmin edəcək. Kəmərin 2011-ci ildə istismara verilməsi planlaşdırılır. Layihənin dəyəri 5 mlrd. avro məbləğində qiymətləndirilir. "Nabukko"nun işlənməsi ilə Avstriyanın OMV, Macarıstanın MOL, Türkiyənin "Botas", Bolqarıstanın "Bulqarqaz" və Rumıniyanın "Transqaz" şirkətləri məşğul olur.
"Azərbaycanın layihədə iştirakı "Nabukko" ilə rəqabət aparan kəmərlərin komerrsiya şərtlərindən asılı olacaq" - deyə ARDNŞ-ın nümayəndəsi bildirib.
"Nabukko" qaz kəmərinin tikintsinə dair müqavildə 2007-ci il iyunun 25-də imzalanıb. Müqaviləni imzalayan tərəflərə energetika üzrə Avropa Komissiyasının komissarı Andres Piebalqs və Türkiyə, Bolqarıstan, Rumıniya, Macarıstan və Avstriyanın energetika nazirləri daxildir.
"Əmin olmaq olar ki, seçimi Azərbaycan tərəfi edəcək. Qazın ixracı üçün daha ucuz, daha etibarlı və sərfəli marşrut seçiləcək" - deyə o bildirib.
Azərbaycan "Şahdəniz" yatağından hasil edilən nefti "Nabukko" kəməri ilə nəql etmək niyyətindədir. Üç ölkənin tranzit qaz nəqli ehtimalı da istisna olunmur.
