Azərbaycan, Bakı / Trend , müxbir S.Əliyev/ Enerji şəbəkəsində hadisələrə operativ reaksiya verməyə imkan verəcək, həmçinin, enerjinin effektli təminatını artıraraq, itkiləri azaldacaq SCADA sisteminin yaradılması 2009 - cu ildə başa çatacaq. Bu barədə cümə günü "Azərenerji" Səhmdar Cəmiyyətinin vitse - prezidenti Marlen Əsgərov məlumat verib. Layihə Azərbaycanın bütün rayonlarının SCADA sistemi ilə təchizatını nəzərdə tutur. "Azərenerji" SCADA layihəsinin ikinci mərhələsinin reallaşdırılması üzrə tenderin qalibi olmuş Fransa şirkəti "AREVA" ilə saziş bağlamaq niyyətindədir. Fransız şirkəti Azərbaycandakı 60 yüksəkvoltlu yarımstansiyaların SCADA - nın tələblərinə uyğun səviyyəyə gətirilməsinə yardım göstərəcək. Şirkət stansiyalardakı transformator və başqa cihazların təmirini həyata keçirəcək. Şirkət bütün stansiyaları, SCADA layihəsinin birinci mərhələsi çərçivəsində, "Azərenerji" də yaradılmış üç dispetçer mərkəzinə qoşmalıdır. Bu məqsədlə 1000 km uzunluğunda kabel çəkiləcək. Layihənin ümumi dəyəri55 mln dollardır.Bunun 48 mln. Dollarını DB , 7 mln. dollarını Azərbaycan hökuməti verəcək. Bankın Direktorlar Şurası krediti 2005 - ci il mayın 17-də təsdiqləyib və bu, ölkəyə Beynəlxalq Yenidənqurma və İnkişaf Bankının şərtlərilə ayrılmış ilk kreditdir.
...
