...

Azərbaycan yeni neft-qaz terminalının tikintisinə xarici investisiya cəlb edilməsi üçün variantları nəzərdən keçirir

Energetika Materials 12 Dekabr 2007 12:21 (UTC +04:00)

Azərbaycan, Bakı / Trend , müxbir İ.Xəlilova/ Azərbaycan İnvestisiya Şirkəti (AİŞ) Bakı yaxınlığında "Səngəçal-Qaradağ neft-qaz terminalı"nın yaradılması layihəsinin maliyyələşdirilməsinə maraq ifadə edən potensial investorlarla (İnvestisiya bankları ilə) məsləhətləşmələri fəallaşdırıb. Bu barədə AİŞ-in icraçı direktoru Anar Axundov məlumat verib.

"Biz artıq öz investisiyalarımızı ayırmışıq və hazırda müəyyən işlər aparılır. Əsas diqqət çox qısa vaxt ərzində investisiya bankının müəyyən edilməsinə yönəldilib" - deyə Axundov bildirib.

AİŞ-in Müşahidə Şurasının qərarı ilə iyunun 29-dan investisiya şirkəti terminala 9 mln. dollar yatırmalı idi.

Xarici maliyyələşdirmənin cəlb edilməsi üzrə bir neçə variant qiymətləndirilir. İnvestisiya bankları tərəfindən layihənin bütün inkişaf mərhələlərinin maliyyələşdirilməsi imkanları nəzərdən keçirilir. Bu halda 100 mln. dollar cəlb oluna bilər. Digər halda investorlar ilə yalnız bir mərhələnin maliyyələşdirilməsi üzrə razılıq əldə ediləcək. Layihənin digər mərhələlərinə isə başqa bank cəlb olunacaq.

"Əlverişli halda layihənin bütün mərhələlərini maliyyələşdirə biləcək investisiya bankı müəyyən olunacaq" - deyə Axundov hesab edir.

Terminal tikintisinin birinci mərhələsi 12 ay ərzində başa çatacaq və onun boşaldıb yükləmə gücü 5 mln. ton təşkil edəcək. Layihənin reallaşdırılması üçün ümumilikdə üç mərhələ həyata keçiriləcək. İki il yarımdan sonra başa çatacaq ikinci mərhələdə terminalın boşaltma yükləmə gücü 10 mln. tona çatdırılacaq. Üçüncü mərhələdə isə bu göstərici 50 mln. ton təşkil edəcək.

Layihənin reallaşdırılması üzrə ümumi investisiya həcmi təxminən 150 mln. dollar təşkil edəcək.

Layihədə əsas operator qismində "Kavkaztransservis" (Azersun Holding qrupuna dvxildir) şirkəti çıxış edir. AİŞ ilə "Kavkaztransservis" arasında bağlanan müqaviləyə görə, şirkət yatırılan vəsait hesabına QSC-nin nizamnamə kapitalının 25 faizini əldə edəcək.

Qaradağ terminalı məhdudlaşdırılmış məhsul formalarının (kondensat və neft) qəbulu üçün nəzərdə tutulacaq, lakin böyük həcmdə.

Bu terminal vasitəsilə həmçinin Kaşaqan yatağından xam neftin qəbulu da nəzərdə tutulur. Bu xammal Bakı-Tbilisi-Ceyhan neft kəməri üzrə Qara dəniz sahilində yerləşən terminallara və Ceyhan limanına nəql olunacaq.

Kaşaqandan neftin qəbulu 2011-ci ildən tez gözlənilmir. Lakin bununla bərabər bu dövr ərzində gəmiqayırma istehsalı inkişaf edə, regionda daşımaların həyata keçirilməsi üçün Azərbaycana lazım olan böyük tutumlu yeni gəmilər sifariş oluna bilər.

Xəbər lenti

Xəbər lenti