Azərbaycan, Bakı / Trend / Çərşənbə günü "Azərenerji" SC-nin vitse-prezidenti Marlen Əsgərovun verdiyi məlumata görə, səhmdar cəmiyyət ilin sonuna qədər Səngəçal modul elektrik stansiyasında Finlandiyanın "Wartsila" şirkətinin istehsalı olan üç generator istismara vermək niyyətindədir.
Digər bloklar gələn il quraşdırılacaq. Bu layihə üzrə tikinti işləri Finlandiyanın "Wartsila" şirkəti ilə birlikdə aparılacaq. "Azərenerji" və Finlandiya şirkəti 300 MVt gücündə yeni modul elektrik stansiyasının tikintisti ilə bağlı müqavilə imzalayıb. Tikinti işlərində İsveç-İsveçrə birgə müəssisəsi olan ABB şirkəti də iştirak edəcək. Tiktinti işlərini 2008-ci ilin sentyabrında tamamlamaq planlaşdırılır.
Finlandiyanın "Wartsila" şirkəti Səngəçal modul elektrik stansiyasının qazdan mazuta, mazutdan qaza keçməsinə imkan verən yeni texnologiya təklif edib. Səngəçalda elektrik enerjisi istehsal edən elektrik enerjisi obyektlərinin tikintisi Abşeron rayonunu keyfiyyətli və fasiləsiz elektrik enerjisi ilə təmin etmək üçün vacibdir.