Azərbaycan, Bakı, 30 yanvar / " / Azərbaycanın Dövlət Neft Şirkəti (ARDNŞ) "Qum Adası" dəniz yatağından "Nargin" adasına sualtı qaz kəməri çəkir, çərşənbə günü şirkətin yaydığı məlumatda bildirilir.
Yeni qaz kəmərinin uzunluğu yeddi kilometr təşkil edəcək. Qaz kəməri ARDNŞ-nin Hövsan tikinti sahəsində qaynaq ediləcək, bundan sonra dənizdə yerləşdiriləcək.
ARDNŞ sahildən (Lökbatan qəsəbəsindən) "Nargin" adasına sualtı su kəmərininin yerləşdirilməsini artıq yekunlaşdırıb. 10 düymlük su kəmərinin uzunluğu 17 km təşkil edib. Qaz kəmərinin çəkilməsində "Süleyman Vəzirov" boruçəkən gəmisindən istifadə olunub.
Yeni boru kəmərinin çəkilməsi, adanın qaz və su ilə təmin edilməsinə imkan yaradacaq.