...

Azərbaycan neftinin qiyməti artıb

Energetika Materials 26 Fevral 2008 13:03 (UTC +04:00)

Azərbaycan, Bakı, 26 fevral / Trend , müxbir A.Bədəlova/ Azərbaycanın AZERI LT CIF Augusta növlü neftinin fevralın 25-də qiyməti 1 barel üçün 99,66 dollara çatıb. 1997-ci ildən yüngül neft hasil edən Azərbaycan Dövlət Neft Şirkətindən çərşənbə axşamı verilən məlumata görə, bazar ertəsi neftin qiyməti cümə gününə nisbətdə 1 barrel üçün 1,21 dollar artıb.

Azeri Light neft növü Azərbaycanın "Azəri-Çıraq-Günəşli" yatağından çıxarılır. Neft digər növlərlə qarışdırılmadan Bakı-Tbilisi-Ceyhan (BTC) boru kəməri ilə Türkiyənin Ceyhan limanına, Bakı-Supsa kəməri ilə Gürcüstanın Supsa və dəmir yolu ilə Batumi limanlarına çatdırılır.

ARDNŞ-dan bildiriblər ki, AZERI LT FOB Ceyhan-nın fevralın 25-də qiyməti 1 barel üçün 98,65 dollar təşkil edib. Bu, əvvəlki qiymətdən 1,25 dollar çoxdur.

Azərbaycan həmçinin neftin URAL növünü Novorossiysk limanından satır. Buraya xammal Bakı-Novorossiysk boru kəməri ilə çatdırılır. Keyfiyyətli Azərbaycan nefti Rusiyanın boru kəmərləri şəbəkəsində digər növlərlə qarışdırılır və Novorossiysk limanında URAL adı ilə satılır. Bu növ spesifikasiyasına görə, Azərbaycan neftindən keyfiyyət və qiymətcə aşağıdır.

Fevralın 25-də URAL neftinin qiyməti 1 barel üçün 92,6 dollar təşkil edib. Bu öncəki qiymətdən 1,41 dollar artıqdır.

Analoji vəziyyt Şimal dənizindən hasil edilən neftin Brent Dated etalon növünə də aiddir. Brent Dated neftinin fevralın 25-də qiyməti 1 barel üçün 97,44 dollara çatıb. Bu əvvəlki qiymətdən 1,24 dollar çoxdur.

Xəbər lenti

Xəbər lenti