PremiumAzərbaycanın Dövlət Neft Şirkəti 2008-ci ilin yanvar-aprelində 21,2 mln. barel neft hasil edib

Azərbaycan, Bakı, 07 may/ Trend / Azərbaycanın Dövlət Neft Şirkəti (ARDNŞ), Əməliyyat Şirkətləri (ƏŞ) və birgə müəssisələr (BM) ölkənin offşor və onşor yataqlarından 21,2 mln. barel neft hasil ediblər (2,9 mln. ton) ki, bu da 2007-ci ilin analoji dövründən 200 min barel azdır. Bu barədə ARDNŞ-dən məlumat veriblər.

Yanvar-apreldə Dövlət Neft Şirkətinin neft-qaz çıxarma idarələri (NQÇİ) tərəfindən dəniz və quruda hasil edilən neftin həcmi 18,2 mln. barel (2,5 mln. ton) təşkil edib ki, bu da ötən ilin yanvar-aprelindən 140 min barel azdır. Əcnəbi şirkətlər BM və ƏŞ çərçivəsində yanvar-apreldə 3 mln. barel (412 min ton) neft hasil ediblər və bu, 2007-ci ildən 80 min barel azdır.

Proqnozlara əsasən, bu il ARDNŞ, BM və ƏŞ 64 mln. barel (8,7 mln. ton) neft hasil edəcəklər. Bu həcmdən 55 mln. barel (7,4 mln. ton) ARDNŞ NQÇİ-nin, 9 mln. barel isə (1,3 mln. ton) BM və ƏŞ-in payına düşəcək.

Yanvar-apreldə Azərbaycanda ümumi qaz hasilatı 2,5 mlrd. kubmetr təşkil edib və bu 2007-ci ildən 753 mln. kubmetr çoxdur. ARDNŞ NQÇİ-nin payına 2,499 mlrd. kubmetr qaz düşüb ki, bu da 2007-ci ildən 768 mln. kubmetr çoxdur. BM və ƏŞ bu dövr ərzində 40,5 mln. kubmetr qaz hasil ediblər və bu 2007-ci ildən 14,4 mln. kubmetr azdır.

Azərbaycan Beynəlxalq Əməliyyat Şirkəti (ABƏŞ) yanvar-apreldə "Azəri-Çıraq-Günəşli" yatağından ARDNŞ üçün 548,4 mln. kubmetr qaz hasil edib və bu ötən ildən 428,7 mln. kubmetr azdır.

Proqnoza əsasən, 2008-ci ildə ARDNŞ NQÇİ 7,850 mlrd. kubmetr, BM və ƏŞ isə 150 mln. kubmetr qaz hasil edəcəklər. Azərbaycan "Şahdəniz" yatağından 2,9 mlrd. kubmetr qaz alacaq. Bu il ABƏŞ Azərbaycana 1,4 mlrd. kubmetr qaz verəcək.

Azərbaycanda 57 neft-qaz yatağı var. Onlardan 18-i dənizdə, qalan hissəsi isə, quruda yerləşir. Bu gün ARDNŞ əməkdaşlarının ştatı təqribən 63 min nəfər təşkil edir.

2008-ci ildə Azərbaycanda neft və qaz hasilatının ümumi cədvəli aşağıdakı kimidir: