Azərbaycan, Bakı, 07 iyun/ Trend / Azərbaycan yanvar-may aylarında "Şahdəniz" qaz-kondensat yatağından təqribən 917 mln. kub metr qaz alıb ki, bu da analoji dövr göstəricisindən 2,4 dəfə çoxdur (535 mln. kub metr). Bu barədə Azərbaycan Dövlət Neft Şirkətindən məlumat veriblər.
Ümumilikdə Azərbaycan 2008-ci il ərzində "Şahdəniz" yatağından 2 mlrd. 900 mln. kub metr qaz almağı planlaşdırır.
Hazırda yataqda dörd quyu işləyir. Potensial sutkalıq debit təqribən 22 mln. kub metr qaz təşkil edir.
"Şahdəniz"in işlənilməsi layihəsinə dair "Mərhələ- 1" çərçivəsində yayla mərhələsində ildə 8,6 mlrd. Kub metr qaz hasil olunacaq.