Azərbaycan, Bakı, 17 iyun / Trend , müxbir E.İsmayılov / Azərbaycanın Sənaye və Energetika naziri Natiq Əliyev bildirib ki, Naxçıvan Muxtar Respublikasının Ordubad çayında kiçik sərhədyanı su -elektrik stansiyasının tikintisinə başlanması ilə bağlıması məsələsi üzrə Azərbaycan və İran ekspertlərinin görüşünün vaxtı bu həftə müəyyənləşdiriləcək. Azərbaycan tərəfi layihənin texniki-iqtisadi Əsasnaməsini artıq hazırlayıb, İran tərəfinin cavabı gözlənilir.
"Azərbaycan tərəfi sözügedən layihənin reallaşdırılmasını sürətləndirmək məqsədilə, ekspertlərin görüşünün Naxçıvanda keçirilməsini təklif edib. Yaxın günlərdə bu görüşün tarixi müəyyənləşdiriləcək", - deyə nazir bildirib.
Əliyev bildirib ki, layihənin həyata keçməsi bir qədər geciksə də, yaxın günlərdə yeni elektrik stansiyasının təməl qoyma mərasiminin keçiriləcəyi gözlənilir.
Elektir stansiyasının layihə gücü 36 MVt proqnozlaşdırılır. Sözügedən layihə Naxçıvan Muxtar Respublikası Ordubad rayonunun sərhədyanı Araz çayında iki elektrik stansiyanın tikintisini nəzərdə tutur (biri Azərbaycan, digəri İran tərəfində)
Çayın su ehtiyatı paritet əsasda istifadə olunacaq. Bununla yanaşı,stansiya derivasiya tipli olacaq, yani onlar çayın budaq qollarında yerləşdiriləcək. Su anbarının yaradılması planlaşdırılmır; su digər ehtiyaclarda istifadə olunmadan yenidən çaya axıdılacaq.
Müəlliflə əlaqə saxlamaq üçün elektron ünvan: [email protected]