Azərbaycan, Bakı, 18 iyun / Trend / "Azərkimya" Dövlət Şirkəti yanvar-mayda demək olar ki, bütün kimya məhsulları üzrə 2007-ci ilin yanvar-mayı üzrə istehsal göstəricilərini nəzərəçarpacaq dərəcədə qabaqlayıb.
Azərbaycan Dövlət Statistika Komitəsindən bildiriblər ki, azotun istehsalı ötən ilin analoji dövrünə nisbətən 31,1 faiz, propilen - 80,3 faiz, polietilen - 77,8 faiz, izopropil spirti - 68 faiz artıb. Kaustik soda istehsalı 2,1 dəfə, xlor turşusu istehsalı isə 2,6 dəfə artıb. Yanvar-mayda Dövlət Şirkətinin müəssisələrində etilen istehsal edilməyib.
2008-ci ildə əsas kimya məhsullarının istehsalı:
| Məhsul | 2008-ci ilin yanvar-mayında istehsal / min tonla | 2007-ci ilin yanvar-mayına nisbətdə, % |
| Azot (mln. m3) | 5,5 | 131,1 |
| Kaustik soda (min t) | 11 | 2,1 dəfə |
| Propilen (min t) | 13,9 | 180,3 |
| Etilen (min t) | 0 | 0 |
| Polietilen (min t) | 24,9 | 177,8 |
| İzopropil spirti (min t) | 8,2 | 168 |
| Lak-boya məmulatları (t) | 1013,1 | 119,6 |
| Xlor turşusu (min t) | 1,8 | 2,6 dəfə |