Azərbaycan, Bakı, 20 iyun/ Trend , müxbir A.Bədəlova/ Xəzər regionunda neft hasilatı ABŞ Energetika İnformasiyası Dövlət İdarəsinin (EIA) proqnozlaşdırdığından aşağı olub. Bu barədə Amerikanın The Hill qəzetinə müsabəhinsdə EİA-nın rəhbəri Qay Karuzo (Guy Caruso) məlumat verib.
"Biz çox məsələlərdə məyusluq yaranıb. Biz Rusiyadan kənarda neft hasilatının hazırki səviyyədən yüksək olacağını gözləyirdik", - Karuzo bildirib.
Onun sözlərinə görə, EİA-nın düzgün olmayan proqnozları müxtəlif səbəblərlə, o cümlədən Xəzərdə bir sıra layihələrin təxirə salınması ilə bağlı olub.
Xəzərin şimalında Kaşağan yatağının işlənilməsi müddəti yeindən, 2013-cü ilədək təxirə salınıb. İlkin olaraq Kaşağanda hasilat 2008-ci ildə başlamalıydı. Lakin ötən il İtaliyanın Eni şirkəti bildirib ki, yataqdan hasilatın başlanılması 2008-ci ildən 2010-cu ilə keçirilir, layihəyə çəkiləcək xərclər isə, gözlənildiyindən yüksək olacaq. İtaliyanın Eni şirkətinin başçılıq etdiyi yatağın işlənilməsi üzrə Konsorsiuma Shell, ExxonMobil, Total, ConocoPhillips, Yaponiyanın İnpex şirkəti və "Kazmunayqaz" daxildir.
EİA-nın qiymətləndirmələrinə görə, 2007-ci ildə Qazaxıstanda neft hasilatı sutkada 1,44 mln. barel təşkil edib. EİA-nın sonuncu proqnozlarına əsasən, ölkə 2008-ci ildə sutkada 1,49 mln. barel, 2009-cu ildə isə 1,63 mln. barel neft hasil edəcək.
EİA-nın proqnozlarına görə, Azərbaycan 2007-ci ildə sutkada 0,85 mln. barel neft hasil edib. 2008-ci ildə ölkənin neft hasilatı sutkada 0,96 mln. barel, 2009-cu ildə isə 1,2 mln. barel təşkil edəcək.
Azərbaycanın ixrac etdiyi neftin əsas hissəsi "Azəri-Çıraq-Günəşli" yatağının payına düşür. Yataqdan Azeri Light növlü xammal hasil edilir. Neft, əsasən, Bakı-Tbilisi-Ceyhan boru kəməri ilə ixrac olunur. 2008-ci ildə Azərbaycanda neft hasilatı 50 mln. tondan çox olacaq.
