Azərbaycan, Bakı, 17 iyul/ Trend , müxbir E.İsmayılova/ Qazdoldurma stansiyalarında əsas pozuntular sayğaclarla, uçot aparatından kənar həyata keçirilən əməliyyatlarla bağlıdır. Bu barədə Azərbaycanın Sənaye və Energetika Nazirliyi nəzdində Dövlət Qaz Nəzarəti İdarəsinin rəhbəri Asif Zeynalov məlumat verib.
Problemlər, əsasən, ölkənin rayonlarında müşahidə olunur, "lakin bunun bütün ölkə üzrə hər yerdə baş verdiyini söyləmək olmaz", - Zeynalov söyləyib.
Bakıda,demək olar ki, bütün stansiyalar normalara cavab verir. Onlar normal fəaliyyət göstərirlər, satış və vergilərin ödənilməsi sahələrində pozuntular yoxdur. Buna baxmayaraq, Bakıda da normalara uyğun olmayan bir neçə stansiya var və bunlar köhnə stansiyalardır,- Zeynalov bildirib.
Hazırda ölkədə 272 qazdoldurma stansiyası fəaliyyət göstərir. Stansiyalar ən çox Sumqayıtdan Xaçmazadək və Şirvan (Əli Bayramlı) - Lənkəran istiqamətlərində yerləşir, -Zeynalov bildirib.
Müəlliflə əlaqə saxlamaq üçün elektron ünvan: [email protected]