Azərbaycanın Dövlət Neft Şirkəti Rusiya istehsalı olan dərinlik nasoslarının sınağını keçirir
Azərbaycan, Bakı, 23 iyul/ Trend , müxbir E.İsmayılov/ "Şelfqaztexnologiya" MMC Azərbaycanın Dövlət Neft Şirkətinə ilin sonunadək sınaqdan keçirilməsi üçün ALNAS ASC -nin istehsalı olan beş dərinlik mərkəzəqaçma dalma nasosları təqdim edib. Bu barədə çərşənbə günü MMC-dən məlumat veriblər.
Nasoslar sınaqdan keçərsə, gələn il bu avadanlığın ARDNŞ üçün icarəyə tədarük edilməsinə dair müqavilə imzalamaq planlaşdırılır. Müqavilənin həcmi və dəyəri hələ müəyyən edilməyib.
"Nasosların sayı və müqavilənin dəyəri hələ müəyyən edilməyib. Bu, nasoslar sınaqdan keçdikdən sonra məlum olacaq", - MMC-dən bildiriblər.
Azərbaycanın Dövlət Neft Şirkəti hazırda Azərbaycanda 57 neft-qaz yatağının işlənilməsini aparır. Onlardan 39 -u quruda, 18 -i dənizdədir.
"Şelfqaztexnologiya" yaxın vaxtlarda Anshad Petrol birgə müəssisəsinə sınaqdan keçirilməsi üçün beş nasos təqdim etməlidir.
Anshad Petrol "Neftçala", "Xilə" və "Babazənən" müqavilə sahəsində quyulardan qaz hasil edir. Anshad Petrol BM 1993-cü ildə, keçmiş "Neftçalaneft" NQÇİ-nin əsasında ARDNŞ və Türkiyənin Atilla Dogan Petrol şirkəti tərəfindən yaradılıb. 1994 -1996 - cı illərdə Anshad Petrol BM-in operatoru Atilla Dogan Petrol olub, lakin ARDNŞ 1997-ci ildən bu funksiyanı öz üzərinə götürüb. 1995-ci ildə Malayziyanın Land and General Berhad şirkəti Atilla Dogan Petrol-dan 17,15 faiz pay alaraq, layihənin iştirakçısı olub.
Müəlliflə əlaqə saxlamaq üçün elektron ünvan: [email protected] 49S
Sv
