Azərbaycan, Bakı, 28 iyul/ Trend , müxbirlər S.Əliyev, V.Şərifov/Azərbaycan Dövlət Neft Şirkəti (ARDNŞ) Xəzər Dənizinin Azərbaycan sektorunda "Bahar" dəniz qaz- kondensat yatağının işlənməsi üzrə
PSA tipli müqavilənin bağlanamsı üzrə danışıqlar aparır. Bazar ertəsi ARDNŞ-dən, danışıqların aparıldığı şirkətin adı çəkilmədən, razılaşmanın bu il imzalanmasının mümkünlüyünü bildirdilər.
Yataqda qaz- kondensat ehtiyatı və kəşfiyyat işlərinin aparılması üçün sahə (neftlə zəngin olması güman edilir) var.
"Bahar"yatağı Bakının 30 km-də yerləşir. Hazırda yatağın işlənməsi ilə ARDNŞ-nin neft-qaz hasil edən idarələrindən biri məşğuldur. "Qum adası" ("Bahar"ı işləyir) neft-qaz hasil edən idarə yataqda hər gün 687 min kubmetrdən çox təbii qaz hasil edir. Cari ilin birinci rübündə yataqda 62,5 mln. kubmetr qaz hasil edilib ki, bu da plandan 3 mln. kubmetr çoxdur.
Yataq 1968-ci ildə kəşf edilib. Onun ehtiyatalrı 150 milyard kubmetr qaz və 21 mln. ton kondensatlı neft kimi qiymətləndirilib. Ötən əsrin 80-ci illərində yataqdan 16-17 mln. kubmetr təbii qaz hasil edilirdi ki, bu da ölkənin qaza olan təlabatının 30-40 faizini ödəyirdi.