...

İtaliyanın ENİ şirkəti Azərbaycanda təsdiq olunmuş neft ehtyatlarının həcmini açıqlayıb

Energetika Materials 29 İyul 2008 19:03 (UTC +04:00)

Azərbaycan, Bakı, 29 iyul/ Trend / 2008-ci il yanvarın 1-nə Azərbaycanda təsdiq olunmuş neft ehtiyatları 7 mlrd. barel təşkil edib ki, bu da göstəricinin 2003 - cü ildən dəyişmədiyindən xəbər verir. Bu barədə İtaliyanın ENİ neft - qaz şirkətinin "Dünayda neft və qaz - 2008" hesabatında deyilir. Bu göstərici Britaniyanın BP neft şirkətinin hesabatında göstərilən məlumatlara uyğundur (Dünya energetikasının icmalı - 2008).

ENİ-nin məlumatlarına əsasən, neft ehtiyatları həcminə görə birinci yeri təqribən 266,8 mlrd. barel ehtiyatla Səudiyyə Ərəbistanı tutur. Ötən il bu göstərici 262,3 mlrd. barel olub (BP-nin məlumatlarına əsasən 264,2 mlrd. barel).

ENİ-in məlumatlarına görə, Mərkəzi Asiya regionunda ən böyük təsdiq olunmuş neft ehtiyatlarına Qazaxıstan malikdir - 30 mlrd. barel neft. Bu, ötən ilin göstəricisinə bərabərdir (BP-nin məlumatlarına görə 39,8 mlrd. barel).

Rusiyanın təsdiq olunmuş neft ehtiyatları 60 mlrd. barel qiymətləndirilir və bu göstərici 2003-cü ildən dəyişməz qalıb (BP-nin məlumatlarına əsasən 79,4 mlrd. barel).

ENİ-nin məlumatlarına görə, İran 2006 - cı ildə 136,3 mlrd. barelə qarşı 138,4 mlrd. barel təsdiq olunmuş neft ehtiyatına malikdir (BP-nin göstəricisinə bərabər). Türkmənistanda təsdiq olunmuş neft ehtiyatları təqribən 0,6 mlrd. bareldir ki (BP - analoji göstərici), bu da ötən ilin göstəricisinə bərabərdir.

ENİ-nin hesabatındakı məlumatlara əsasən, 2008-ci il yanvarın 1-nə neft hasilatı sutkada 865 mln. barel (BP-nin məlumatlarına görə 868 mln. barel) təşkil edib. 2006 - cı ildə sutkalıq neft hasilatı 655 mln. barel olub.

2007- ci ildə Qazaxıstanda neft hasilatı sutkada 1,38 mln. barel olub (BP-nin məlumatlarına əsasən, 1,49 mln. barel). 2006 - cı ildə bu rəqəm sutkada 1,33 mln. barel təşkil edib.

2007- ci ildə Rusiyada neft hasilatı sutkada 10,08 mln. barel təşkil edib (BP-nin məlumatlarına görə 9,97 mln. barel). 2006 - cı ildə sutkalıq neft hasilatı 9,8 mln. barel olub.

2007- ci ildə Türkmənistanda neft hasilatı 2006-cı ildə 174 min barelə qarşı (BP-nin məlumatlarına görə, sutkada 198 min barel neft) sutkada 188 min barel olub.

2007- ci ildə İranda neft hasilatı sutkada təqribən 4,4 mln. barel təşkil edib (BP-nin məlumatlarına bərabər). 2006 - cı ildə İranda neft hasilatı sutkada 4,3 mln. barel təşkil edib.

Xəbər lenti

Xəbər lenti